Pasay City 300-hectare reclamation project hindi aprubado ng PRA

KAHAPON lumabas ang paid advertisement ng Philippine Reclamation Authority (PRA) na nagliinaw na kinalsuhan ‘este’  hindi nila inaprubahan ang 300-hectare reclamation project sa Pasay City.

Inilinaw ito ng PRA dahil mula pa noong Disyembre 2013 ay ipinamamarali na ng Pasay City government na ipatutupad na nila ang nasabing reclamation project partners with SM Land Inc., (SMLI).

Kaya naobligang maglinaw ang PRA na hindi pa aprubado ang nasabing reclamation project.

Anila, ang bidding process ay para pa lamang sa pagpili kung anong kompanya ang makaka-partner ng Pasay City government.

Ang pag-aapruba sa reclamation project ay nasa kapangyarihan ng Philippine President at hindi pa umano ito naia-award sa Pasay City at sa SMLI.

Hinayaan din umano ng PRA na humingi muna ng legal at validating opinion ang Pasay City local government mula sa Department of Justice (DoJ) at sa Department of Interior and Local Government (DILG).

Hindi naman umano ito regular requirement pero hiningi na rin nilang rekesitos dahil sa dami ng isyu na inihain ng mga kumukuwestiyon sa nasabing proyekto.

Sakali man umanong magbigay ng legal opinion ang DoJ at DILG na pabor sa Pasay saka pa lamang magsisimula ang proseso.

At ito ay dadaan sa five-stage approval process ng PRA gaya ng technical evaluation at pagsang-ayon mula sa National Economic and Development Authority  (NEDA) Board. Saka pa lamang papasok sa competitive bidding process at ‘yan ay malinaw na isinasaad sa Executive Order No. 146.

Sonabagan!!!

Ang ingay-ingay ng administrasyon ni Pasay City Mayor Antonino Calixto tungkol sa proyektong ‘yan ‘e wala naman pala sa kanila ang ‘BOLA.’

Lalo raw tuloy sumasakit ang ulo ngayon ni Yorme Tony.

Ang tanong Mayor To-Calix, wala bang nakakuha ng  ‘ADVANCE o SOP’ sa mga tuta ‘este’ bata mo sa proyektong ‘yan?

‘Yun tatlong B as in B-etlog na sina alias Boyet d bagman, Bing ‘tua chat’ Lintekson  at Bong Sira-ulo-no,  namantikaan na kaya agad sa deal na ‘yan!?

‘Yun balitang pampadulas na inihatag daw sa mga bumaligtad na Konsuhol ‘este’ Konsehal, isoli pa kaya?

Ibig sabihin, kung nakakuha na sila ng advance, ‘e mayroon na silang commitment sa SMLI?!

E paano na ‘yan?

Nasa kapangyarihan pala ng NEDA na pinamumunuan ng Philippine President ang desisyon d’yan?!

Tsk tsk tsk …

Inaalat ka ‘ata talaga Mayor Calixto!

Hindi ka kasi naghahasik ng GOOD KARMA … ‘yan tuloy … what goes around, comes around.

JUNKET NG SOLAIRE CASINO MATAGAL NANG GINAGAMIT SA MONEY LAUNDERING NG NOTORIOUS NA  MGA KOREANO AT CHINESE!?

ISANG Hong Kong national ang naaresto ng Customs sa Ninoy Aquino International Airport (NAIA) dahil sa pagdadala ng hindi deklaradong cash na nagkakahalaga ng HK$6 milyones.

Ang nasabing Hong Kong dollars ay nagkakahalaga sa Philippine peso ng P34,806,411.

Ayon kay Willie Tolentino, Customs Enforcement and Security Service director, si Xi Lok Lee, nabistong may dala ng nasabing halaga, ay kilalang bigtime player sa Solaire casino.

Nang dumating si Xi Lok Lee ay may nakaabang nang representative ng Solaire casino para sunduin at i-escort siya.

‘Yung nga lang nasilat, dahil nabisto ni Director Tolentino ang dala niyang kwarta.

Nang ibigay ang dokumento nagkaroon na siya ng suspetsa na mayroon dala-dalang ilegal na bagay ‘yung Hong Kong national.

Kaya nang buksan ‘yung bag, nakita agad ang dala-dalang pera na hindi deklarado.

Malinaw na paglabag iyon sa Bangko Sentral ng Pilipinas Circular No. 308 … “Any person who brings into or out of the Philippines foreign currency in excess of US$10,000 or its equivalent is required to declare the same in writing and to furnish information on the source and purpose of the transport of such currency.”

Bukod po sa paglabag na ‘yan sa BSP Circular No. 308, dapat din tutukan ng Bureau of Internal Revenue (BIR) ang aktibidad ng mga dayuhan na ‘yan, lalo ng mga notorious na Chinese at Korean national na nakasisilip ng pagkakataon para rito gawin ang kanilang ‘money laundering’ sa mga casino.

Malinaw din na ang kanilang money laundering ay kanilang ginagawa sa mga Casino gaya nga d’yan sa Solaire at Resorts World.

Nabulgar din ang modus-operandi ng Solaire at Resorts World Casino na magpapadala kuno ng kanilang represenatative o liason officer na sasalubong umano ng kanilang VIP player sa NAIA para makalusot sa Customs ang dala-dala nilang malaking pera.

Ang dala nilang kwarta ay ipinauutang sa mga player kaya naman sure ang panalo at paglago nito.

Pagbalik nila sa kanilang bansa, ang ipinasok nilang kwarta sa Philippines my Philippines ay tumubo na nang limpak-limpak.

Ganyan lang po kabilis nalulusutan ng mga money launderer ang mga awtoridad sa ating bansa.

Pero hindi sila nakalusot kay Director Tolentino.

Anyway, kung mayroon tayong mga law enforcer na gaya ni Director Tolentino at Customs NAIA at kung magtatrabaho nang husto ang BIR, malaki ang tsansa na mabawasaan kung hindi man mawakasan ang nagaganap na money laundering sa mga pangunahing Casino sa bansa.

Simpleng-simple lang po ‘yan BIR Commissioner KIM HENARES kung gusto nating arestuhin ang mga problemang ito.

Sudsurin lang po ninyo ang junket ng Solaire, t’yak matitisod ninyo ang mga ilegalistang dayuhan na karamihan ay mga Chinese national mula Hong Kong at mainland China, ganoon din ang mga Koreano.

Karamihan po sa kanila ay miyembro rin ng sindikato gaya ng HK Triad at Korean Mafia. Kaya nga kailangan nilang ‘labahan’ ang ‘marurumi’ nilang kwarta.

At ang pangunahing nabibiktima ng kanilang money laundering ay ang ekonomiya ng ating bansa.

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com