HATAW! D'yaryo ng Bayan hatawtabloid.com
WALA pang pahayag si Bobby Ray Parks kung lalaro pa rin siya sa National University sa darating na UAAP Season 77.
Sinabi ng board representative ng NU na si Nilo Ocampo na hindi pa niya kinakausap si Parks tungkol dito.
“That is a big question. I honestly don’t know. He is graduating but I don’t know what his plans are. Yes he is still eligible to play for us,” wika ni Ocampo.
“I leave it up to the coaching staff. I believe they’re talking to him about it. Ako naman, we always talk ni Bobby Ray, pero I never mention the matter to him. We talk about other things.”
Sa ngayon ay naglalaro si Parks sa NU bilang Banco de Oro sa PBA D League ngunit may isang panalo lang ang Bulldogs sa torneo kontra sa pitong talo.
Nag-average si Parks ng 17.8 puntos at 8.1 rebounds para sa NU noong UAAP Season 76 kung saan natalo ang Bulldogs sa Final Four kalaban ang University of Santo Tomas kahit hawak nila ang twice-to-beat na bentahe.
Naglaro rin si Parks sa Sinag Pilipinas na nakamit ang gintong medalya sa men’s basketball sa huling Southeast Asian Games na ginanap sa Myanmar .
Ilan sa mga kinukunsidera ni Parks ay ang paglalaro niya sa NBA o ang pagpasok sa 2014 PBA Rookie Draft. (James Ty III)
