P740-M utang sa tax ni Pacman sa US-IRS

IBINUNYAG ng celebrity news website na TMZ, kailangang bayaran ni eight division world champion Manny Pacquiao ang $18.31 million o nasa mahigit P740 million na pagkakautang niya sa buwis sa Amerika.

Lumalabas sa Internal Revenue Service (IRS) ng Estados Unidos, hindi nagbayad ng buwis si Pacman sa kanyang mga laban mula taon 2006 hanggang 2010.

Kung maaalala, tatlong beses lumaban si Pacman noong 2008 at 2009 kabilang na rito ang kina Oscar De La Hoya, Miguel Cotto at Ricky Hatton na kumita ng $15 hanggang $30 million.

US TAX CASE NI PACMAN  SANA TSISMIS LANG — BIR

UMAASA ang Bureau of Internal Revenue (BIR) na tisimis lamang at hindi totoo ang napaulat na panibagong iskandalo na kinasasangkutan ni Manny Pacquiao sa Amerika kaugnay sa problema sa hindi pagbabayad ng buwis.

Sinabi ni BIR Commissioner Kim Henares, itinuturing pa lamang nilang rumor o tsimis ang lumabas na report na aabot sa $18.31 million o nasa mahigit P740 million  ang pagkakautang sa buwis ni Pacman sa Internal Revenue Service (IRS) ng Estados Unidos.

Ayon kay Henares, hindi nila alam ito dahil hindi naman sila nag-request.

Ang makapagpapatunay o makapaglilinaw lamang aniya nito o ay ang IRS mismo.