ALAM MO NA!
ni Nonie Nicasio
ANG walong Viva Hot Babes na sina Maui Taylor, Katya Santos, Andrea Del Rosario, Gwen Garci, Sheree, Jaycee Parker, Ella V., at Jennifer Lee ay lumalagari sa iba’t ibang TV at online shows para sa promo ng kanilang “Bulaklak Viva Hot Babes Reunion Concert.”
Directed by GB Sampedro, ito ay magaganap sa October 23, 2026, Friday, 8 PM, sa New Frontier Theater.
Sina Andrea, Maui, Katya, Gwen, Sheree, Jaycee, Ella, at Jennifer ay mga orig member ng Viva Hot Babes, batch 1 and 2.
Sa panayam namin sa veteran actress na si Ms. Andrea, sinabi niyang silang walo na tampok dito ay mula sa batch 1 and 2.
Nabanggit din niyang masaya siya sa kanilang reunion concert at maraming dapat abangan dito.
Aniya, “Very happy that everybody said yes. I think this is the right time to do it.”
Ano ang dapat i-expect dito?
“That it’s going to be a super blast from the past show!!! Super nostalgic! Plus we are giving our all, our best to make the show really nice and unforgettable!”
Ayon pa sa kanya, close pa rin sila ng mga kasama sa Hot Babes, kahit nagkaroon na sila ng kanya-kanyang buhay.
“Super (close)! Especially now, more than ever,” matipid na sagot niya.
Bago itong reunion nila, close pa rin daw talaga sila.
“Yes naman. Busy with other things in life, but I guess our memories together will always be there. Kasi, magkakasama kami sa hirap at ginhawa as a group.”
Dagdag pa ni Ms. Andrea, “Ang samahan namin, noon at ngayon is stronger that ever.
“I wish I have more time to bond with them… but got busy with my personal and family life, as well as work. But we still do bond when we have the time. So, I’m happy that we do.”
Bukod sa Bulaklak Viva Hot Babes Reunion Concert, si Ms. Andrea ay bahagi rin ng seryeng “Honor Thy Mother” sa Prime Video na tinatampukan nina Barbie Forteza, John Estrada, Khalil Ramos, at Sharon Cuneta.
