MATABIL
ni John Fontanilla
MASAYANG-MASAYA si Bea Binene sa resulta ng ticket selling ng kanyang concert sa Teatrino Promenade Greenhills, ang Bea- Yond The Years dahil sa loob ng limang minuto, sold out na kaagad.
Post nga ni Bea sa kanyang Facebook, “I was supposed to post this 2 days ago hehe… hay, i’m filled with gratitude.”
“You guys waited for this and noong nag-open ‘yun ticket selling, the site crashed after 5 mins (EC-Vit is doing all they can to facilitate and finish verification and refunds). Ramdam na ramdam ko kayo. Pasensya na sa mga nastress sa registration, at pasensya na din sa mga hindi nakakuha ng tickets.
“Pero really… maraming maraming salamat. See you on Sept 11? ◡̈”
Ang nasabing concert ay pasasalamat na rin ni Bea sa walang sawang suporta ng kanyang mga tagahanga.
Ang Bea-Yond The Years Concert ni Bea Binene ay sa September 11, 2026 ( Friday, 7:00 p.m.) hatid ng EC-VIT.
