HATAW! D'yaryo ng Bayan hatawtabloid.com
PUSH NA’YAN
ni Ambet Nabus
MUKHANG handang-handa na si Kapuso Primetime King Dingdong Dantes na sagupain ang sinuman o anumang show na makakatapat ng soon to be aired niyang The Master Cutter sa GMA7.
Ang series ang pagbabalik-primetime TV acting ni Dong na ayon sa big boss na si Ms Cheryl Ching-Sy ay sobrang naging hands on din sa produksiyon.
Sey ng current VP for Drama na si Ms Cheryl, “We are so grateful kay Dong dahil talagang mula sa conceptualization hanggang sa production at ultimo sa promo at marketing, involve siya.”
Sa red carpet premiere ng nasabing series na ginanap sa world-class Wolfgang Theater sa Gateway Mall 2 sa Araneta Center last May 5, rumampa ang mga artistang kasama ni Dingdong sa series.
Namataan namin doon sina Max Collins, Rio Locsin, Tonton Gutierrez, Paolo Contis, Ketchup Eusebio, Polo Ravales, Max Eigenmann, Shuvee Etrata, Anthony Constantino, Charlie Fleming, Prince Carlos, Jo Berry at iba pang cast members ng action series.
Ipinasilip sa mga piling entertainment media at social media community ang one week long episodes na magsisimulang umere sa GMA 7 primetime slot sa May 11, at mapapanood din sa Netflix.
