Nick Vera Perez napapaluha ‘pag napag-uusapan ang ina

MATABIL
ni John Fontanilla

ISANG espesyal na pagtatanghal ang ihahatid ni Nick Vera Perez para sa mga ina sa Mayo 17, 2026 na gaganapin sa Atrium sa Farmer’s Plaza, Cubao, Quezon City, na bahagi ng  kanyang Philippine Tour 2026.

Hindi naiwasang mapaluha at nagiging emosyonal si Nick kapag napag-uusapan ang kanya ina.

Kuwento nga nito, “I want to honor my mother. I owe everything to her.

“I remember I was in grade 6 or first year high school nagkasakit ako. My mom had only P500 kasi iyong tatay ko ‘di pa nagpapadala.

“Tapos inubos niya iyong perang iyon para lang bumili ng antibiotic para gumaling ako.

 “That time, napaiyak ako. Kaya sabi ko, ‘Balang araw I will take care of you at kahit ano pa iyong hinihiling mo, ibibigay ko o kahit hindi mo pa hinihiling. Kaya, every where she goes, may bonding kami.

“That is how I want to honor my mother.”

At kaya zero ang kanyang lovelife ay dahil mas pinili niyang alagaan ang mahal na mahal niyang ina na turming 80 years old na next year.

“My mom is turning 80 next year. Kaya ko ang lahat but when it comes to my mom or when anything happens, talagang malulumpo ako.

“So before it happens, I’m preventing it. Inuuna ko na iyong needs niya at mga kailangan though she seldom tells me.

“I had 3 exes before, but so far, I’m enjoying my single,

Dini-devote ko na lang iyong time ko for my music. 

“But I’m not closing doors naman.I believe everything happens in his perfect time,

Makakasama ni Dr. Nick sa kanyang  Philippine Tour 2026 ang kanyang protegee at mina-manage na sina

Evelyn Francia at Hannah Shayne at ang G3 Dancers.

Lilibutin ni Dr. Nick ang buong Pilipinas para i-promote  ang kanyang dalawang album ang Gospel 5th) at Dancing in the Ocean (6th ) na nagsimula noong Mayo 2 sa isang press conference, Mayo 3 -1-Konek Net25, Mayo 5- D Showbiz Authority DWAN 1206 IBC 13, Mayo 10 -United Evangelical Church at KCC Mall De Zamboanga, Mayo 15-Letters and Music Net 25, Mayo 16- Xentro Mall Antipolo, Mayo 17- Farmers Plaza, Araneta City, Mayo 18- Charity Walk: DSWD, Mayo 19- John Lennon Show 95.5 FM – Net 25, Mayo 20- Abante with WEJ at Music Box Bar, Mayo 21- Spectroom Bar, Mayo 22- Sta Lucia East Mall Mayo 23- Abante Showbiz Pulis at Bar 58, at sa Mayo 24- Xentro Mall Montalban at Wrap Up Dinner.