HATAW! D'yaryo ng Bayan hatawtabloid.com
TACLOBAN CITY — Hindi lang basta inspeksiyon ng mga proyekto ang naganap, kundi isang masayang selebrasyon ng pagkakaisa ang bumati kina Congressman Martin G. Romualdez at Councilor Marty Romualdez sa kanilang pagbisita sa First District ng Leyte.
Dito nagningning ang tinatawag na “selfie diplomacy” kung saan hinaluan ng mga lider ang kanilang technical reviews ng pakikipag-bonding at kulitan sa mga residente. Mula sa mga palengke hanggang sa mga paaralan, ramdam ang trademark na ‘asikaso’ at malasakit ng mambabatas sa bawat sulok ng distrito.
Nakatuon ang umaga sa pag-usad ng mga proyekto sa Sta. Fe at Alangalang. Sa Sta. Fe, sinuri ang bagong Legislative Building at ang integrated evacuation center na mahalaga para sa kaligtasan ng publiko. Sa Alangalang naman, bumida ang sunod-sunod na nakompletong infrastructure gaya ng bagong gymnasium, modernong barangay hall, karagdagang school building, at mga farm-to-market roads na layong palakasin ang lokal na negosyo. Tampok din ang pagbisita sa bagong ladies’ dormitory sa Visayas State University (VSU) campus, kung saan game na game rin nakipag-selfie si Cong. Martin sa mga lolo at lola sa loob ng bagong gym.
Pagdating ng tanghalian, lumipat ang focus sa suporta para sa sektor ng agrikultura at kalusugan. Sa San Miguel, direktang nakipagpulong si Congressman Romualdez sa Irrigators Association at mga lokal na magsasaka para masigurong natatanggap nila ang mga kailangang serbisyo.
Sinundan ito ng pagbisita sa Brgy. Libtong Infirmary Hospital.
Sa pagbibigay-diin sa de-kalidad na healthcare at maayos na evacuation rooms, ipinakita ng nasabing pagbisita na ang kapakanan ng bawat pamilyang Leyteño ang top priority ng kanilang development plan.
Tinapos ang araw sa pamamagitan ng mga barangay assembly kung saan magkatuwang na hinarap ng dalawang lider ang mga concerns ng mga market vendors at transport groups. Nagbigay ng youthful energy si Councilor Marty Romualdez sa mga konsultasyon, na nakatulong para mas mailapit ang mga polisiya sa puso ng taong-bayan.
Sa huli, binigyang-diin ni Congressman Romualdez ang kahalagahan ng personal na koneksiyon sa kanyang mga kababayan.
“It is always a privilege to come home and see the progress we are making together,” pahayag ni Cong. Romualdez.
“Seeing the happy faces of my constituents and having Councilor Marty by my side as we serve the people makes this work even more meaningful. We are here not just to build structures, but to build a better life for every family in Leyte,” ani Romualdez.
