HATAW! D'yaryo ng Bayan hatawtabloid.com
ISANG overseas Filipino worker (OFW) ang inaresto sa Saudi Arabia nang kanyang ipaskil sa social media ang mga video footages ng airstrike.
Ayon kay Department of Migrant Worker (DMW) Undersecretary Bernard Olalia, humingi ng tulong ang OFW sa mga awtoridad sa Filipinas kaugnay ng ginawang pag-aresto sa kanya.
Tiniyak ni Olalia na ang gobyerno ay patuloy na magbibigay ng tulong sa lahat ng Pinoy na apektado ng tensiyon sa Gitnang Silangan.
Tinukoy ni Olalia ang mga nakadetine sa Saudi Arabia at United Arab Emirates (UAE).
Muli niyang pinaalalahanan ang mga OFW sa Middle East, partikular sa Saudi Arabia at UAE, na iwasang mag-post o mag-share ng mga video footages ng airstrike at iba pang sensitibong insidente sa social media.
Nauna rito, kinompirma ng Philippine Embassy na dalawang OFW ang nadetine sa UAE dahil sa pagpapaskil ng missile attacks sa gitna ng tensiyon sa Gitnang Silangan.
