HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
HINDI pa malinaw ang tunay na estado ng relasyon nina Klea Pineda at Janella Salvador. Wala pa kasing pag-amin mula sa dalawa bagamat nakikita in public ang sweetness ng mga ito gayundin ang madalas na magkasama habang nagbabakasyon.
Ang latest pa ay ang pagbili umanong malawak na lote ng dalawa.
Sa isang video na ibinahagi ng fans, bumili raw ng lote sina Janella at Klea pero hindi naman binanggit kung saan ang naturang property.
Sa nasabing video maririnig ang, “Grabe ang lawak ng lupa na nabili nina klea at Jea. Congrats klea and Janella. Sobrang deserve n’yo ‘yan.”
May caption naman ang video ng, “Deserve nyo yan Klea and Janella.”
Sa video makikita ang dalawa habang tinatanggal ang tarpaulin na may nakasulat na “Lot For Sale” at sa ending ay ang litrato na nakuha nila ang certificate ng lote.
