HATAW! D'yaryo ng Bayan hatawtabloid.com
PORMAL nang umupo bilang bagong Provincial Director ng Rizal Police Provincial Office (RPPO) si Col. Eleazar Ruga Barber, Jr. at nangangakong panatilihin ang integridad ng Rizal.
Si Col. Barber ay kapalit ni Col. Feloteo Gonzalgo na kilalang maagap sa pamumuno at may maayos na relasyon sa mga mamamahayag.
Isang malaking bentaha kay Col. Barber ang pagiging isang abogado matapos makapasa sa board na nagbigay ng malaking puntos sa bawat operasyon sa 13 bayan at isang lungsod ng Rizal para magkaroon ng tapat na hustisya.
Hindi rin matatawaran ang kanyang karanasan sa security and protection. Mula sa pagbabantay sa House of Representatives hanggang sa paghawak ng RPSPU2 sa Cagayan Valley, malinaw na sanay si Barber sa mabibigat na responsibilidad.
Hamon ngayon kay Barber na panindigan ang mataas na ekspektasyon ng Rizal. Ang simula ay maganda, ngunit ang tunay na sukatan ay kung mapananatili niya ang bagsik laban sa kriminalidad habang pinananatili ang integridad ng Rizal PPO. (VICK AQUINO)
