Viva Movie Box patutunayan ang tagline na Mahirap Bumitaw

MATABIL
ni John Fontanilla

SA celebration ng 44th anniversary ng Viva Entertainment sa pangunguna ni Boss Vic del Rosario at ng kanyang mga anak na sina  Boss Vincent at Boss Valerie del Rosario, isang bagong app. ang kanilang inihatid sa bawat Filipino na mahilig sa Pinoy movies. Ito ang Viva Movie Box (VMB), ang bagong vertical streaming platform na maglalaman ng microdramas na tig-1 to 3 minutes per episode.

Ayon kay Boss Valerie (President & Chief Operating Officer ng Studio Viva, Inc.), “Medyo maraming episodes, pero lahat mahirap bitawan.

“Kaya po ang tagline natin ay ‘Mahirap Bumitaw,’ kasi ‘yan po ang susubukan naming gawin sa bawat episode na mapapanood po ninyo.”

Dagdag pa nito, “From Vivamax to Viva One to Viva Movie Box, challenge po namin lagi ay kung paano namin palalawigin ang pagpapakalat kung gaano kagaling ang ating mga artista.

“Ang ating mga storyteller, ang mga tao behind the cameras. So rito sa Viva Movie Box, ‘yan po ang susubukan namin ding gawin, ang maipakita, lalo pa ang galing ng mga Filipino.” 

Ilan nga sa kapana-panabik na pelikula na mapapanood sa Viva Movie Box ay ang sumusunod: Akin Ka Lang, isang adult drama starring Nathalie Hart, Rhen Escaño, Albie Casiño, Shirley Fuentes, at Ivan Padilla, directed by Christian Lat; Elisa: Batang Kabit, tampok sina Abby Bautista, James Blanco, Sheree Bautista, Alex Payan, Liz Gonzales, at Yayo Aguila sa ilalim ng direksiyon ni Sigrid Polon; Maid for Revenge nina Rose Van Ginkel, Cara Gonzales, Mon Confiado, at Billy Villeta directed by Bobby Bonifacio Jr.; Love Forbids starring Denise Esteban, Alex Medina, Akihiro Blanco, Apple Dy, Andrea Babierra, at Pat Sugui, directed by Aya Topacio; Inagaw na Anak nina Louise delos Reyes at Althea Ruedas directed by Christian Lat.

Kasama rina ng mga pelikulang A Mistress’ Guide to Moving On nina Meg Imperial, Mayton Eugenio, Guji Lorenzana, Zsara Laxamana, at Jean Kiley muka kay direk Easy Ferrer; She’s Not My Sister na pagbibidahan nina Ryza Cenon, Andrea Babierra, Andrea del Rosario, Jojo Abellana,  at Pat Sugui sa direksiyon ni Temi Cruz Abad.

Bukod pa sa mga well-loved Asian microdramas, na minahal at naging hit sa mga manonood, sinabi pa ni Boss Val na, “With Viva Movie Box, we are effectively translating our established expertise in serialized drama into a new digital medium. 

“Our aim is to utilize the strengths of our creative ecosystem — from talent to production — to deliver compelling, high-volume content.

“This vertical format allows us to be highly relevant to the next generation of viewers, ensuring our stories are accessible and engaging wherever they are.”

Tsika naman ni Boss Vincent (Presidente ng Viva Communications, Inc.), “The introduction of VMB: Viva Movie Box is a move that acknowledges the shift in content consumption. 

“Our strategy ensures that Viva continues to be a central presence in the local streaming sector. 

“We remain focused on understanding and serving the preferences of the Filipino audience. 

“This launch reflects our consistent, forward-looking approach to the entertainment business, emphasizing synergy and market relevance.”

Sa halagang P59 lamang ay puwede nang ma-access ang lahat ng titles at episodes sa VMB sa pamamagitan ng pagsu-subscribe, at puwedeng mapanood nang paulit-ulit. Ang VMB ay available for download sa Google at Apple.