Kris maaliwalas na ang awra, nagpa-bday surprise

MA at PA
ni Rommel Placente

NAKATUTUWA namang malaman na nakalabas na ng bahay si Kris Aquino. 

Naispatan ang actress-TV host sa naganap na birthday celebration ng celebrity hair and make-up artist na si Jonathan Velasco last September 25.

Kasama ni Kris sa selebrasyon ang dalawa niyang anak na sina Joshua at Bimby at in fairness, medyo nagkalaman na ang kanyang pisngi at umaliwalas na rin ang kanyang awra.

Mapapansin naman sa mga litratong ibinahagi ni Jonathan sa social media na kuha sa kanyang birthday celebration na nakasuot siya ng face mask pati na sina Kris, Joshua, at Bimby.

Mababasa sa caption ng Instagram post ni Jonathan, “A huge thank you to the Aquino family for making my birthday so special. Love you po, Madam Kris, Josh and Bimb. #BirthdaySurprise #SpecialDay (heart emojis).”

Narito naman ang ilang comments ng netizens nang muling makita si Kris na medyo maayos na ang itsura kompara sa mga nakaraang buwan.

“Happy to see Kris I looking well! Love her! Always my favorite. Happy birthday, Jonathan!”

“Thank you so much for sharing your photos with Ms. Kris. It truly makes me happy to see her looking well and out of the hospital. Wishing you a very joyful and blessed birthday!”