HATAW! D'yaryo ng Bayan hatawtabloid.com
INARESTO ng mga awtoridad ang isang miyembro ng notoryus na criminal gang matapos isilbi ang search warrant ng mga awtoridad sa lungsod ng San Jose, lalawigan ng Nueva Ecija, nitong Linggo, 6 Hulyo.
Ayon sa ulat mula kay P/Col. Heryl Bruno, provincial director ng Nueva Ecija PPO, inihain ang search warrant ng pinagsanib na elemento ng San Jose CPS bilang lead unit, at PIU-NEPPO laban sa 25-anyos suspek na residente sa Brgy. Abar 1st sa nabanggit na lungsod, at kilalang miyembro ng Papa Group, isang notoryus na criminal gang.
Nakompiska mula sa pag-iingat ng suspek ang isang homemade caliber .38 revolver na kargado ng dalawang bala, at dalawang heat-sealed transparent plastic sachet ng hinihinalang shabu na may timbang na 0.14 gramo.
Nakatakdang sampahan ang suspek ng mga kasong paglabag sa RA 10591 (Comprehensive Firearms and Ammunition Regulation Act) at RA 9165 (Comprehensive Firearms and Ammunition Regulation Act) Possession of Illegal Drugs) sa City Prosecutor’s Office ng San Jose City, Nueva Ecija.
Napag-alamang ang suspek ay isinailalim sa serye ng surveillance operations sa ilalim ng Case Operation Plan (COPLAN) PAPA.
Ang grupo, kilalang sangkot sa mga insidente ng pagnanakaw at pag-agaw ng motorsiklo (motornapping), ay iniulat na kumikilos sa loob ng San Jose at mga kalapit na bayan.
Ayon kay P/Col. Daguit, determinado silang lansagin ang mga criminal gang at iba pang lawless elements na nambibiktima sa mga komunidad.
Dagdag niyang babala, hahabulin nila ang mga kriminal at hindi hahayaang malayang gumala-gala alinsunod sa mga direktiba ni PRO3 Regional Director P/BGen. Ponce Rogelio Peñones. (MICKA BAUTISTA)
