VAA nagbabala sa mga naninira kay Ashtine 

I-FLEX
ni Jun Nardo

NAGLABAS ng official statement ang Viva Artists Agency (VAA) para bigyan ng babala ang naninira sa artist nilang si Ashtine Olviga.

Ipinaalam ng VAA na ang online libel ay seryosong krimen na may parusa sa batas.

Bahagi ng statement ng VAA, “We as the management of Ashtine will take the necessary legal action for any statements, narratives, or allegations that might tarnish her reputation.

“We do not condone these acts, especially without any evidence. We will hold those accountable liable to the maximum extent possible under the law.”

Wala kaming detalye kaugnay ng paninira umanong ito kay Ashtine. Basta masaya ang fans niya sa aksiyon ng kanyang management.