HATAW! D'yaryo ng Bayan hatawtabloid.com
PUSH NA’YAN
ni Ambet Nabus
DAHIL wala ng maibatong isyu ang mga kalaban sa ating mahal na Queenstar for all Season Vilma Santos-Recto, hayan at gumagawa na sila ng ‘fake news’ laban dito.
Pati ba naman ang Department of Finance (DOF) na maayos ang trabahong ginagawa sa sambayanan ay gawan ng isyu tungkol umano sa karagdagang buwis?
Dahil nga asawa ni ate Vi si Sec. Ralph Recto, pilit na isinasangkot ang opisina nito sa usaping wala namang katotohanan.
Mariing pinabulaanan ng DOF ang lumabas na report na nagsasabing mag-i-impose ng bagong ‘taxes o buwis’ ang gobyerno.
Ipinagdiinan ng DOF na walang pangangailangan para sa karagdagang revenue measures sa panahong ito ang gobyerno dahil higit sa sapat nitong fiscal position.
Sinabi mismo ni Sec. Ralph na maayos na nama-manage ng pamahalaan ang finances nito at masisigurong ang mga pangangailangan ng publiko ay natutugunan ng walang kailangang bagong mga buwis na magpapahirap sa tao.
“Ginagamit ng mga katunggali namin sa politika ang usapin. Ayos lang sana kung totoo pero hindi nga eh,” sagot sa amin ng mga supporter nina Ate Vi, Luis Manzano, at Ryan Christian Recto.
Ratsada kasi ang ganda ng takbo ang kampanya ng mag-iina at tiwala naman sila sa mataas na respeto, paniniwala, at pagtitiwala ng mga kababayan nila, pero dapat nga tamang ituwid ang mga maling balita.
“This is not just for us here in Batangas kundi maging sa buong bansa. Kahit kailan ay hindi naging tama ang pagpapakalat ng mali at walang katotohanang info gaya ng ganyan and that needs correction, rectification and clarification. Kahit ang mainstream media ay dapat maging sensitive at aware sa mga ganyan,” dagdag pa ng mga kausap namin.
‘Yun na!
