Janice handa nang i-let go ang mga anak sakaling magsipag-asawa 

MA at PA
ni Rommel Placente

HINDI man in good terms ang dating mag-asawang Janice de Belen at John Estrada, walang kaso sa una kung maging close ang kani-kanilang mga anak.

Noong New Year, nakasama ni John ang lahat ng kanyang mga anak na sina Inah, Moira, Kaila, at Yuan, pati na rin si Anechka na panganay niya sa ikalawang misis na si Priscilla Meirelles.

Sabi ni Janice, “Tatay nila ‘yun, eh. Bakit naman hindi magiging okay sa kanila? Wala naman akong problema roon ever.”

Inusisa naman si Janice kung ready na ba siyang i-let go ang kanyang mga anak, lalo na’t ikakasal na ang pangalawa nilang anak ni John na si Moira.

“Ang tatanda na nila, ano? Oo naman. Basta alam kong nasa mabuti silang kalagayan.”

Araw mismo ng Bagong Taon nang mag-propose kay Moira ang boyfriend nitong si Alfonso Miguel.

Present pa nga sa special day ang kani-kanilang pamilya at ilang malalapit na kaibigan.

Sa Instagram post, makikita ang naging journey ng relasyon nina Moira at Alfonso hanggang sa naganap na ang wedding engagement.

May pa-shoutout din si Moira para sa mga kapatid na sina Inah at Kaila na tumulong sa kanyang fiancé para maisakatuparan ang surprise proposal para sa kanya.