Rufa Mae go-go-go pa rin kahit maraming problema

MA at PA
ni Rommel Placente

MARAMI ang humanga sa pagiging positibo ni Rufa Mae Quinto sa kabila ng pinagdaraanang mga problema. Una na riyan ang kinasangkutang investment scam sa kanyang endorsement, na kaaagad naman niyang sinagot. 

Sumunod ay ang ongoing divorce nila ng asawang si Trevor Magallanes na mismong ito pa ang  unang  nag-reveal ng kanilang marital problem sa social media. 

Sa Instagram ay nag-post naman ang komedyana ng kanyang mga larawan na may caption ng inspiring lyrics ng kanta ng American singer na si Brandy ng Starting Now.

Patungkol ito sa pagsisimula muli. 

Bago ito, mapapansin ang madalas pag-a-update ni Rufa Mae sa kanyang social media accounts ng magagandang larawan niya at mga positibong quote o lyrics ng isang kanta. 

Gusto naman ng netizens ang mga posting na ito ng aktres comedianne dahil pagpapakita raw ito na okay siya. 

Maaaring ito nga raw ang paraan niya para ipakita sa kanyang mga tagahanga na siya’y nasa maayos na kalagayan sa kabila ng mga pinagdaraanan.

Caption nga ni Rufa sa isang post niya, “Go go go for the 

gold!”