Hello, Love, Again pasok sa US Top 10 Box Office 

MATABIL
ni John Fontanilla

ISA na namang achievment para sa mga Pinoy ang pagkapasok sa US Top 10 Box Office ng pelikulang Hello, Love, Again

nina Alden Richards at Kathryn Bernardo.

Nasa Top 8 ito sa mga bagong pelikulang ipinalabas sa Amerika ang pelikula ng KatDen. Kasama rin ang Red One na nasa number one slot at Venom: The Last Dance na nasa number two slot.

Winner din sa puso ng mga Pinoy ang Hello, Love, Again dahil mega blockbuster ito sa Pilipinas.

Kaya naman labis-labis ang pasasalamat nina Alden at Kathryn.

Post nga ni Kathryn sa kanyang Instagram account, “Our hearts are overflowing with so much joy. This is more than what we’ve prayed and wished for… We poured so much love into this project, and you returned that love a thousandfold.”

At  kahit nga tumatabo na ito sa takilya ay masipag pa rin sila Alden at Kathryn sa pagpunta sa mga sinehan na palabas ang kanilang pelikulan para bumati at pasalamatan ang mga nanood.