HATAW! D'yaryo ng Bayan hatawtabloid.com
AKSYON AGAD
ni Almar Danguilan
WALA na yatang makatatalo o makadadaig sa Quezon City Local Government (LGU) pagdating sa inobasyon para sa patuloy na pag-uunlad ng lungsod para sa milyong QCitizens.
Bakit naman? Ano lang naman, muling humakot ng parangal (pagkilala) ang QC government. Nakapagtataka pa ba ang pakilala sa Kyusi na nasa ilalim ng liderato ni Mayor Joy Belmonte? Hindi, at sa halip ay masanay na po tayo dahil, hindi tiyak na may mga susdunod pang pagkilala sa QC. Asahan niyo iyan!
Ang nakabibilib sa pinakahuling parangal na tinanggap ni Mayor Joy ay ‘back-to-back’ pa – tama dalawa mula sa Galing Pook Awards at Philippine Chamber of Commerce and Industry (PCCI).
“Tayo’y nagpapasalamat sa mga napakahalagang pagkilala na iginawad sa ating siyudad nitong mga nakaraang araw,” saad ni Belmonte.
‘Ang mga parangal na ito’y matibay na patunay na epektibo ang mga ginagawa nating programa para sa QCitizens at para sa paglago ng ekonomiya ng ating lungsod,” dagdag ng Alkalde.
Nitong Oktubre October 25, kinilala ang Quezon City Birth Registration Online (QC BRO) program bilang isa sa 10 nagwagi sa 2024 Galing Pook Awards, sa ginanap na awarding ceremony sa Malacanang kung saan si Pangulong Ferdinand Marcos Jr. ang panauhing pangdangal.
Simula nang ipatupad noong 2022 ang programa – QC BRO naibsan ang hirap o pasanin ng pamilya QCitizens sa pagkuha ng kanilang birth certificate ng kanilang mga anak. Simula nang iimplementa ang programa ay mahigit sa 59,000 mga bata ang nairehistro ng walang ano man nagamit na pondo.
Simula nang itatag ang QC BRO sa pamamagitan ng City Ordinance SP-3198, S-2023, nag-uutos sa mga hospital at birthing facilities sa lungsod, ang sistema ng QC BRO naging consistent at efficient ang birth registration sa buong lungsod.
Naging epektibo din ang programa para maging pangunahing mapagtitiwalaan datos para sa mga local government agencies, tulad ng City Planning, Health, Gender and Development, at Social Services.
Maliban sa QC BRO, ang Quezon City government ay kabilang sa finalist para sa 2024 edition ng Galing Pook Awards, ang Human Milk Bank Program, kung saan naging finalist noong 2020.
Kinilala ng Galing Pook Awards ang outstanding at innovative programs ng local local government units. Noong 2020, ang GrowQC urban agriculture program ay pinarngalan noong 2023, at ang QC risk monitoring and early warning system IRise UP ay kinilala din ng Galing Pook awardee.
Kamakailan lang, ang lokal na pamahalaan ay tumanggap ng parangalan na “Most Business-Friendly LGU” para sa magkasunod na dalawang taon para sa highly urbanized cities category mula sa PCCI.
Ang Quezon City government sa pamamagitan ng Business Permits and Licensing Department (BPLD), Small Business and Cooperatives Development and Promotions Office (SBCDPO), Local Economic Investment Promotions Office (LEIPO), at ibang department members ng Economic Development and Investment Board (EDIB) ay naging naaalinsunod sa economic development ng lunghsod sa pamamagitan ng iba’t-ibang programa , inobasyon, at system upgrades. Kabilang dito ang aggressive digitalization ng permits at document processing, MSME development, at iba pang financial at training support.
Sa datos, simula Enero hanggang ngayon Oktubre 2024, nakapagtala na ang LGU ng mahigit sa 9,400 new business registrants, kung saan halos katumbas bilang ng bagong business registrants para sa buong taon ng 2023.
Tinanggap ni Mayor Joy ang parangalan kasama si BPLD Head Margie Mejia at SBCDPO Head Mona Celine Yap sa 50th Philippine Business Conference held na ginanap sa Marriott Hotel in Pasay City.
Iyan ang QC-LGU, halos linggo-linggo tumatanggap ng parangal. Wala na nga yatang makadadaig sa Kyusi.
