New teen actress nahirapan sa pagbibidahang pelikula

MATABIL
ni John Fontanilla

VERY promising ang new teen actress na si Bianca Tan na bida /kontrabida sa advocacy film na Believe It Or Not? na mula sa direksiyon ni Errol Ropero hatid ng A&Q Productions ni at AFA Entertainment.

At kahit first movie lang ni Bianca ay napakahusay at magaling itong umarte at nabigyan nang hustisya ang role bilang si Brenda na isang bully sa kanilang paaralan.

Tsika ni Bianca, “Ako po ‘yung main bully sa school, bale binu-bully ko ‘yung mga lower grades kong school mate.”

Bilang baguhan ay medyo nahirapan si Bianca sa kanyang role. “Medyo mahirap po, kasi first shooting ko kailangan ko umiyak, mamaya kailangan ko magtaray, medyo challenging lang po talaga.”

Bilang baguhan ay iniidolo nito sina Heart Evangelista, Dingdong Dantes, at Alden Richards na pare-pareho nitong gusto makatrabaho at makasama sa isang proyekto.

Habang si Paulo Avelino naman ang showbiz crush niya, “Isa lang po kasi ang crush ko sa showbiz, si Paulo Avelino, kasi guwapo siya, maamo ang mukha at magaling umarte.”

Makakasama rin sa pelikula sina Potchi Angeles, Shira Tweg, Dwayne Garcia, Daffne Louise, Niño Vergara, Jared Miguel,Duna Duncan, Niño Vergara, Christian Villanueva, Christa Jocson, Jhassy Busran, Artan Akthar atbp..