Angela kabado pa rin sa mga Vivamax project

RATED R
ni Rommel Gonzales

NOONG baguhan pa lamang si Angela Morena ay kita ang pagiging mahiyain nito, pero sa ngayon, naroroon na ang confidence niya bilang isang Vivamax actress.

Ibig bang sabihin ay mas madali na para sa kanya ang gumawa ng mga daring na projects at characters?

“The answer is no,” at tumawa si Angela. “Hindi po talaga madali at everytime na nagkakaroon ako ng project or ng bagong character na nakikilala andoon pa rin ‘yung kaba.

“And hindi ko magagawa ang lahat ng ito kundi dahil sa production, sa direktor, and especially Viva.”

Samantala, masaya si Angela na makatrabaho sa unang pagkakataon ang direktor na si Dado Lumibao para sa Butas ng Vivamax.

Lahad ni Angela, “Ang dami kong na-discover at natutunan. Isa ‘yun sa ano, dahil writer siya, siya ‘yung nagsulat nito, talagang very strict siya pagdating sa dayalog and everything.

“Eh ako as an actor mahilig akong mag-adlib pero since itong ‘Butas’ it’s a teamwork, it’s a collaboration, at sobrang natuwa ako kasi si direk Dado sobrang taas ng respeto niya pagdating sa mga Vivamax actor.

“Hindi lang sa amin pero ikinukuwento niya, sinasabi niya na, ‘Ang taas ng respeto ko sa inyo!’”

Nakilala si direk Dado bilang writer at direktor ng mga romance at drama projects sa ABS-CBN at una niyang Vivamax project ang Butas.

Gumaganap bilang si Mayette, kasama ni Angela sa Butas sina Albie Casiño bilang Noel at JD Aguas bilang Benjie.

Nasa Butas din si Angelica Hart at available na ito for streaming sa Vivamax.