Ron Angeles masayang nakatrabaho muli si Piolo

MATABIL
ni John Fontanilla

HINDI man nagwagi sa katatapos na 40th PMPC Star Awards for Movies for New Movie Actor of the Year ang Pamilya Sagrado actor na   si Ron Angeles ay masaya na ito na ma-nominate sa nasabing kategorya para sa pelikulang Mallari.

Tsika ni Ron, “Hindi man po ako nanalong New Movie Actor of the Year sa 40th PMPC Star Awards for Movies ay masaya na po ako na na-nominate.

“Babaunin ko po itong inspirasyon para maging mahusay sa mga susnod kong trabaho. 

“Nagpapasalamat po ako sa PMPC at sa manager ko na si Bryan Dy.”

Sa ngayon ay busy si Ron sa taping ng Pamilya Sagrado at may pelikula siyang gagawin bago matapos ang taon.

Masaya rin ito na muling nakatrabaho si Piolo Pascual sa Pamilya Sagrado after nilang magsama sa awardwinning movie na Mallari.

‘Di man daw nanalo si Ron sa 40th PMPC Star Awards for Movies ay masaya na itong humakot ng award sa Star Awards ang Mallari kasama ang Best Movie of the Year, Best Director, Best Supporting Actor (JC Santos), Best Theme Song atbp..