Rodjun sobrang bumilib nang muling magsilang si Dianne: ang tapang mo!

NOONG July 23, Wednesday, ipinanganak na ni Dianne Medina ang second baby nila ng mister na si Rodjun Cruz, na pinangalanan nilang Maria Isabella Elizabeth Medina Ilustre.

Sa Instagram, proud na ipinasilip ni Dianne ang kanilang baby, at inilarawan ito bilang “answered prayer.”

Lubos din ang pasasalamat ni Dianne dahil sa kabila ng kanyang komplikasyon sa pagbubuntis ay naging ligtas ang kanyang panganganak.

Post ni Dianne, “Thank you, Lord for everything! I had the following during my pregnancy: Gestational Hypertension, Gestational Diabetes, Cardiac Arrythmia, Polyhydramnios,” caption niya.

“Thank you, Lord. No complications or anything! All Glory and Honor is yours, Almighty Father.”

“Thank you for answering my prayers! Salamat rin po sa mga nagdasal,” lahad pa ni Dianne.

“Thank you to my super bait, maalaga and magagaling na doctors. Thank you Lord.”

Para naman kay Rodjun, best gift na ibinigay sa kanila ng Diyos ang ikalawang anak nila ni Dianne.

Inihayag din ng aktor ang kanyang pagkabilib sa misis, “So proud of you, wife! Ang tapang mo.

“Sa nasaksihan ko kanina mas lalo pang tumindi ang pagmamahal ko sayo. Saludo ako sayo! I love so much,” sey pa niya.

To Rodjun and Dianne congratulations sa pagkakaroon ng bagong dagdad sa pamilya.

Sa comment section, maraming fellow celebrities ang nagpaabot ng “well wishes” at “congratulatory” messages sa mag-asawa.

Kabilang na riyan sina Carla Abellana, Coney Reyes, Arron Villaflor, Jak Roberto, Mark Herras, Rocco Nacino, Maxine Medina, Kris Bernal, Charee Pineda, Yasmien Kurdi, at Jo Berry.