HATAW! D'yaryo ng Bayan hatawtabloid.com
MATABIL
ni John Fontanilla
MASAYA ang fans nina Coco Martin at Julia Montes dahil mukhang handa na ang mga itong ipakita sa lahat kung gaano nila kamahal ang isa’t isa batay na rin sa kanilang sweetness sa larawang kuha ng isang netizen habang nagbabakasyon ang mga ito sa Spain.
Marami nga ang natuwa at kinilig sa naturang larawan ng dalawa na kuha sa Casa Batllo sa Barcelona, Spain habang namamasyal ang dalawa.
At sa pagkalat ng larawan sa social media, iba’t iba ang reaksiyon ng netizens at ilan dito ang:
“In their own way they’re confirming that they’re a couple. They look happy together.”
“Tumatapang na ah…nice.”
“Ang tibay nila. Iba talaga kapag hindi maingay sa social media.”
“Happy to see na mas open na sila about their relationship. They don’t have to tell the public every little thing about their relationship pero nakakatuwa lang na they seem to be more free in sharing these kinds of pictures sa social media.”
“Mabuti naman at hindi na tinatago sa dilim ni Coco yung gf/wife nya.”
