Beauty queen panandalian lang ang kasikatan

I-FLEX
ni Jun Nardo

WINNER ng isa sa major titles ang napanalunan ng isang beauty queen nang sumali ito. Malakas ang dating niya kaya naman sa international pageant na sinalihan, bongga ang title na naiuwi niya.

Pero noong kasikatan ng beauty queen, hindi na raw kagandahan ang kanyang ugali. Sa isang event na pinuntahan niya bilang bahagi ng kanyang resposibilidad, umiral ang pangit niyang ugali.

Eh sa lugar ng event, ‘yung dadaanan niya eh maraming tao. Ayaw daw niya ng ganoon.

Kaya naman hindi agad siya lumabas at noong nabawasan na ang tao, at saka lang siya lumabas ng stage sa daanang walang masyadong tao.

No wonder, after her reign, at sinalihang international pageant, short lived lang ang kasikatan niya.  Hindi na siya inabalang muli ng organizers at walang nagkainteres na dalhin siya sa showbiz.

Pamilyar ang name niya dahil hindi ordinaryo ang surname niya na hindi naman foreigner, huh!