Dennis at anak na si Leon Barretto okey na rin

SHOWBIZ KONEK
ni Maricris Valdez Nicasio

MATAPOS magkaayos nina Julia Barretto at Dennis Padilla, sumunod naman ang lalaking anak niyang si Leon.

Binati ni Dennis ang nag-iisang anak na lalaki niya kay Marjorie Barretto nang magbirthday noong April 2. Ika-21 iyon ni Leon.

Idinaan ng aktor ang pagbati sa kanyang Instagram account kalakip ang selfie photo hawak ang mensahe sa anak at ang throwback picture nilang mag-ama noong bata pa si Leon.

Mensahe ni Dennis, “Dear Leon Marcux (tunay na pangalan ng anak)…

 “Happy b-day anak.

“God bless you more.

“Papa, April 2/24.”

May caption naman itong, “Dear Leon… Happy birthday anak!! Love you… Hope to see you soon (praying hands, cake, heart emojis).”

Sinagot naman ito ni Leon ng, “Thank you Papa (smiling, praying hands emojis).”  

Maraming netizens ang natuwa sa palitan ng mensahe ng mag-ama na after nga naman ng maraming taon na hindi pagkakaunawaan, heto’t nagka-ayos na rin sila.