Jose Manalo Wally Bayola The Jose and Wally Show Canada Tour 2024

Jose at Wally maghahatid-saya at musika sa Canada

Rommel Gonzales March 20, 2024 Entertainment, Events, Music & Radio

RATED R
ni Rommel Gonzales

MAGHAHATID ng tuwa, musika at saya ang dynamic duo ng comedy icons na sina Jose Manalo at Wally Bayola sa The Jose and Wally Show Canada Tour 2024. Ang unang show nila ay sa South Hall Banquet Place, Vancouver sa March 27, 2024.

Produced ng Fireball Productions–Canada (na ang CEO ay si Loren Ropan at partner Rhodora Soriano), susundan naman ito ng JoWa duo show sa Rajveer Banquet Hall in Calgary sa March 30, 7:00 p.m..

Ang last stop ng tour ay gaganapin naman sa TCU Place in Saskatoon sa March 31.

Makakasama nina Jose at Wally sa kanilang concert tour ang bandang Pedro & The Hollowblocks.

Ang Jose and Wally Canada Tour ay naisakatuparan sa pamamagitan ng manager ng dalawa na si Joel Roslin, ng Kreativ Events & More Phils at ng IAM Agency International.

Samantala, patuloy ding mapapanood ang comic duo nina Jose at Wally sa gag show na Wow Mali Doble Tama sa TV 5 na ngayon ay nasa Season 3 na.