PINAG-IISIPAN ni International Master Angelo Abundo Young (kaliwa) ang kanyang mga susunod na hakbang laban sa abogadong si Rodolfo Enrique "Rudy" Rivera.

IM Young makikipag tagisan ng talino sa 21st BCC Open 2024 sa Thailand

Marlon Bernardino January 31, 2024 Chess, Other Sports, Sports

MAYNILA – Makikipag tagisan ng talino si Filipino International Master Angelo Abundo Young sa pagtulak ng 21st BCC (Bangkok Chess Club) Open 2024 na naka-iskedyul mula Abril 13 hanggang 21.

Ang kompetisyon, na gaganapin sa conference center ng Sheraton Hua Hin Resort & Spa sa Phetchaburi, Thailand, ay nagtatampok ng Open at Challenger divisions.

“I am looking forward to playing in Thailand and hopefully, makakuha ng magandang resulta,” sabi ng 60-year-old Young sa panayam nitong Miyerkoles.

Sa panahon ng 2019 World Senior Chess Championship sa Bucharest, Romania, nagtapos siya ng walo sa likod ni eventual champion Grandmaster Vadim Shishkin ng Ukraine sa kategoryang 50+.

Si Young, isang 8-time na Illinois USA Champion, ay nakatakda ring makipagkumpetensya sa 2024 World Senior Chess Championship sa Bucharest, Romania sa huling bahagi ng taong ito.

Si Young, na nagsisilbi ring head coach ng Emilio Aguinaldo College chess team, ay nanguna sa JHC Chess Club Rapid Open Chess Tournament sa San Miguel Elementary School sa Tarlac City noong Enero 21 at sa IIEE IECEP PTC World Engineering Blitz Open Chess Tournament sa Institute of Integrated Electrical Engineers of the Philippines headquarters sa Monte de Piedad Street, Cubao, Quezon City noong Enero 26. (MARLON BERNARDINO)