HATAW! D'yaryo ng Bayan hatawtabloid.com
PUSH NA’YAN
ni Ambet Nabus
GAYA ni direk Joey Reyes, naniniwala kami na na-focus lang ang branding ng Vivamax stars sa mga hubaran at sinasabing malalaswang eksena.
Sa totoo lang din kasi, marami kaming napapanood na series o movie sa Vivamax na matitino ang istorya at may mahuhusay na artista.
But then again, we also see how the platform tries to make it sort of ‘exclusive’ para sa mga nagpapakita nga ng sensualidad at erotismo na bentang-benta sa mga tao, lalo sa mga kalalakihan.
Kaya sa latest opus ni direk Joey na Karinyo Brutal, hindi na kami magugulat kung may mga maeeskandalong manonood.
Pinagbibidahan ito nina Apple Dy, Benz Sangalang, at Maebelle Medina.
Personal na pinili ni direk Joey si Apple dahil nakikita niya raw dito ang ‘rawness’ ng isang Ana Capri, na eventually ay naging award-winning actress.
Maganda ang naging samahan nila sa isa ring Vivamax movie dati at naniniwala siyang soon ay tatanghaling mahusay na aktres si Apple.
“And there are a lot of others (Vivamax stars) na mabigyan lang ng magandang projects, mas magiging magaling pa kaysa mga iba riyan,” sey pa ng mataray at magaling na direktor.
