HATAW! D'yaryo ng Bayan hatawtabloid.com
PUSH NA’YAN
ni Ambet Nabus
KUNG si Erin Espiritu ang frontrunner bilang Best Child Actress dahil sa husay sa Kampon, walang duda namang si Euwenn Mikaell ang male counterpart dahil sa Firefly.
Napakagaling ng ten year old boy na gumanap na anak ni Alessandra de Rossi na eventually ay naging si Dingdong Dantes (narrator) nang magbinata.
Sa mediacon nito, medyo nalungkot sila sa balitang 13-theaters lang ang ibinigay sa kanila starting December 25.
“Kaya nga po nag-iimbita kami at nakikiusap na sana ay unahin na ninyo itong panoorin,” saad ni direk Zig Dulay.
Ayaw na nilang magpaka-nega pa sa mga ganitong senaryo dahil confident silang matino, disente, at maayos ang pagkaka-gawa ng pelikula.
Kasama sa pelikula sina Cherry Pie Picache, Yayo Aguila, Miguel Tanfelix at Ysabel Ortega.
Basta kami, pasok sa top five namin na pagkakagastahan at oras na panoorin (at uliting panoorin) ang Firefly, kasama ang When I Met You in Tokyo, Mallari, A Family of Two, at Broken Hearts Trip.
‘Yung limang natitira ay panonoorin namin (o uuliting panoorin at intindihin) kapag may oras at pera pa kami.
