Mahigit 2 libong pugante sa Central Luzon nai-selda

Dahil sa walang patid na pagtugis ay naaresto ng kapulisan mula sa  Police Regional Office 3 ang mahigit dalawang libong pugante sa Central Luzon na may matitinding pagkakasala sa batas.

Ayon kay PRO3 Regional Director PBgeneral Jose s Hidalgo Jr., mula Hulyo 1 hanggang Setyembre 30, 2023, ang mga operatiba ng  PRO3 ay matagumpay na nadakip at nai-selda ang kabuuang 2,223 pugante.

Ang 339 dito ay nasa kategoryang most wanted persons na kabilang sa 12 regional-level, 41 provincial-level, at 286 municipal-level na most wanted individuals.

Ipinahayag ni PBGeneral  Hidalgo Jr ang kanyang malalim na pasasalamat sa masisipag na operating units para sa kanilang walang humpay na pangako na dakpin ang lahat ng wanted individuals sa kanilang nasasakupan.{Micka Bautista}