3 bagong digital show inilunsad ng ABS-CBN News

TATLONG bagong ABS-CBN News digital content ng mga balita, impormasyon, at entertainment ang inilunsad ng ABS-CBN News noong weekend sa hangaring palawakin pa ang pamamahayag.

Salit-salitan sina Ganiel Krishnan at MJ Felipe sa pag-host ng lingguhang recap ng pinakamalalaking kuwento sa showbiz at entertainment na ipinalabas sa TV Patrol. Ipalalabas sa ABS-CBN News Facebook page (facebook.com/abscbnnews) tuwing 4:00 p.m. ang episode, isang araw pagkatapos ng YouTube run nito.

Handog din ng news team ang Bistado M.O. (Modus Operandi) na muling bibisitahin ang mga kaso ng krimen at mga scam na sakop ng metro at justice reporters ng ABS-CBN na papayuhan din ang mga manonood kung paano maiiwasan na maging biktima.

Pangungunahan ito ng veteran police reporters na sina Zyann Ambrosio at Jeff Caparas simula 4:30 p.m. tuwing Sabado sa ABS-CBN News YouTube channel at Linggo sa ABS-CBN News Facebook page.

Ipalalabas din ang Patrol ng Pilipino: Playlist, sa pangunguna ng mga mamamahayag ng ABS-CBN, na magpapakita ng mini-newsmagazine ng mga vertical video na orihinal na inilabas ng Patrol ng Pilipino, ang mobile journalism initiative ng news organization.

Nagho-host ang bawat reporter ng isang compilation ng content ayon sa konsepto, mula sa on-the-spot na mga coverage at explainers, hanggang sa mga pagtatampok sa mga pagkain at pamumuhay. Kasama sa paghahayag nito sina Doris Bigornia, Michael Delizo, at Ganiel.

Ipalalabas ang Patrol ng Pilipino: Playlist tuwing Linggo, 11:00 a.m. sa Patrol ng Pilipino (facebook.com/patrolngpilipino) at ABS-CBN News Facebook pages. Mapapanood ito sa YouTube channel ng ABS-CBN News tuwing 6:00 p.m..

“These digital offerings are in response to the public’s need for reliable and engaging stories and continue the Kapamilya news team’s mission of finding more ways to serve the Filipino wherever they may be,” sabi ni Francis Toral, head ng ABS-CBN News.