Mommy Divine, suki ng Hermes

SUKI pala ng Hermes si Mommy Divine Geronimo na mommy ng singer/TV host na si Sarah Geronimo.

Tsika sa amin ng taga-Hermes sa Greenbelt, madalas daw doon mamili ng pabango ang ina ni Sarah para sa anak.

“Tatlong bote po ng Hermes cologne lagi ang binibili ng mommy ni Sarah, actually, hindi naman siya nagpapakilala, pero familiar po ‘yung face niya kasi nakikita naman siya sa TV.

“Tapos narinig po namin sa kausap niya na ito raw lagi ang ginagamit ni Sarah, hindi raw nagbago ng brand si Sarah,”kuwento sa amin.

Tinanong namin kung namimili rin ng bags si Mommy Divine, ”hindi po namin nakita pa, puro pabango lang.”

Kaya ateng Maricris kapag naamoy mo si Sarah at mabango, alam mo na kung anong cologne ang gamit niya.
Reggee Bonoan