Sunday , April 6 2025

Zambo siege tapos na — Roxas

092913_FRONT

MAKARAAN ang 20 araw mula nang lumusob ang grupo ng Moro National Liberation Front (MNLF) Misuari faction, idineklara ng pamahalaan na tuluyan nang natapos ang pananalakay ng mga bandido sa lungsod ng Zamboanga.

Idineklara ito ni DILG Sec. Mar Roxas kasabay ng parangal sa mga tropa ng pamahalaan lalo na sa mga nagbuwis ng buhay para sa kaligtasan ng Zamboanga.

“Siege in Zamboanga City is over. We honor the fallen, the brave and the soldiers & policemen who died for their countrymen,” ayon kay Roxas.

Umabot sa 18 sundalo, limang pulis at 12 sibilyan ang namatay sa mahigit kalahating buwan na kaguluhan.

Habang nasa 166 miyembro ng MNLF ang napatay, 247 ang naaresto at 24 ang sumuko.

Halos 120,000 residente ang nagsilikas habang nasa 10,000 bahay ang nasunog dahil sa pag-lusob ng mga bandido.

Isinasagawa na ang clearing operations mga awtoridad sa natitirang rebelde kabilang na si Commander Habier Malik.

‘Financier’ ng MNLF inaalam na — Palasyo

SINIMULAN na ng gobyerno ang imbestigasyon kaugnay sa sinasabing P40 million financial support sa MNLF-Misuari faction para sa pag-atake sa Zamboanga City.

Ayon kay Presidential Spokesperson Abigail Valte, patuloy ang berepikasyon ng gobyerno lalo na ni Interior Secretary Mar Roxas sa nasabing ulat na may taong nagbigay ng suportang pinansyal sa grupo ni MNLF founding Chairman Nur Misuri upang manguna sa pag-okupa sa ilang barangay sa lungsod ng Zamboanga.

Inihayag ni Valte na nag-utos na rin si Pangulong Benigno Aquino III sa DILG at iba pang kinauukulan para sa masusing imbestigasyon.

Tiniyak din ng Palace official na hindi isinasantabi ng Palasyo ang mga naging pahayag ni Sen. Miriam Defensor-Santiago na direktang nagtuturo kay Senate Minority Leader Juan Ponce-Enrile na nasa likod umano ng pagbibigay ng milyong pinansyal na suporta sa grupo ni Misuari upang malihis ang usapin sa pork barrel scandal.

HATAW News Team

About hataw tabloid

Check Also

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

Alas Pilipinas Maganda ang simula sa AVC Beach Tour

Alas Pilipinas Maganda ang simula sa AVC Beach Tour

NAGSIMULA ng maganda ang Pilipinas sa Rebisco Asian Volleyball Confederation (AVC) Beach Tour Nuvali Open …

NAITAS DOT magkaakibat para sa Takbo Para Sa Turismo

NAITAS, DOT magkaakibat para sa “Takbo Para Sa Turismo”

ANG National Association of Independent Travel Agencies (NAITAS) at ang Department of Tourism (DOT) ay …

Rosales Pangasinan Fire Sunog

Sa Rosales, Pangasinan
INA, 10-ANYOS PIPI-BINGING ANAK PATAY SA SUNOG MULA SA POSTE NG KORYENTE

ISANG 30-anyos ina at 10-anyos anak na babaeng pipi at bingi ang namatay sa sunog …

DENR, LGU kinalampag sa illegal resort construction sa Bohol

DENR, LGU kinalampag sa illegal resort construction sa Bohol

SUMIKLAB ang galit ng mga lokal na residente kaugnay sa viral video ng isang backhoe …

Leave a Reply

Your email address will not be published. Required fields are marked *