Bea Binene  masaya sa bakuran ng Viva 

MATABIL
ni John Fontanilla

SOBRANG happy si Bea Binene sa bakuran ng Viva Entertainment, na nangangalaga sa career niya, dahil sa dami ng proyektong ginagawa niya ngayon.

Natapos ang kontrata ni Bea sa GMA Sparkle at hindi na muling pumirma at lumipat na sa bakuran ng Viva Entertainment.

Tsika ni Bea nang makasama namin kamakailan sa Kapuso Sagip Buhay Bloodletting sa Ever Gotesco Commonwealth, “Masaya ako Kuya John dahil sobrang dami ng proyektong ibinibigay sa akin ng Viva.

“Hopefully magtuloy-tuloy siya, nag-eenjoy po kasi ako sa maraming trabaho.”

Sa ngayon ay busy si Bea sa mga pelikulang ginagawa niya sa Viva Films, malls and out of town shows, at TV guestings.

At kamakailan ay isa ito sa pinarangalan ng Oustanding Men and Women of 2023 bilang Outstanding Actress of the Year na ginanap  sa Music Museum.