HATAW! D'yaryo ng Bayan hatawtabloid.com
ALAM MO NA!
ni Nonie Nicasio
NAKAHUNTAHAN namin recently ang recording artist at aktres na si Sarah Javier, inusisa namin siya sa kanyang pinagkaaabalahan lately.
Bungad niya sa amin, “Hello tito Nonie, as of now po preparing po tayo sa nalalapit na concert po namin on Aug 17 po, 9:00 pm sa Clowns po QC… together with Ms. Angeline Quinto po.”
Ang naturang show ay pinamagatang One Night Only with Angeline Quinto at bukod kay Ms Sarah, guest dito sina Laverne Arceo, Gem Castillo, Cye Soriano, Christi Fider, Shira Tweg, Dindo Caraig, at Romel Chika.
Ano ang reaction niya na part siya ng isang benefit show? Ano ang masasabi niya kay Angeline?
Pahayag ni Ms. Sarah, “Wow, isa po talaga ako sa excited, kasi imagine makakasama po namin sa show si Ms. Angeline Quinto!
“Isang karangalan po, lalo na isa po siya sa mga hinahangaan nating singers sa panahon po ngayon. Nakatataba po ng puso, lalo na isang benifit concert po ito, masaya po ako na makatutulong po ako sa higit na nangangailangan.”
Ano ang dapat i-expect sa show na ito sa Clowns? “Naku, isang masayang gabi po iyan, marami po kaming performers at tiyak na sulit na sulit po ang kanilang ibabayad. Pagkatapos ng show uuwi, po silang masaya at may magandang memories po na babaunin.
“Kaya isama po nila dapat ang kanilang mga pamilya, dahil its a fun-fun night po talaga.”
Inusisa rin namin siya sa kanyang latest single titled Pangakong Napako.
Aniya, “Yes tito, ang bago ko pong release now is Pangakong Napako, composed by yours truly and arranged by Elmer Blancaflor po. Ito ay isang kanta na puno ng hinanakit, na kahit nasasaktan ka ay umaasa ka pa rin.
“Soon po ay may ire-record po uli tayo, abangan po nila uli iyan dahil may na-compose po ulit ako, maraming salamat po tito,” masayang sambit ni Ms. Sarah.
