Be honest Alcala

DAPAT maging sinsero si Agriculture Sec. Proceso Alcala sa tunay na estado ng stock ng bigas sa bansa dahil nakababahala na ang mga pangyayari lalo’t patuloy at hindi makontrol ng pamahalaan ang pagtaas ng presyo ng pangu-nahing butil sa bansa.

Hindi na rin maganda ang idinudulot ng paglabas ng mga balita na paubos na ang supply ng bigas kaya’t posibleng ito ang dahilan ng pagpa-panic ng mamamayan na dahilan ng pagtaas ng presyo nito.

Nakababahala rin ang hindi pag-amin ni Alcala na umangkat na ang pamahalaan ng bigas sa ibang bansa gayong malinaw sa nakalipas na SONA ni PNoy na enough ang suplay nito sa Filipinas at patungo na tayo sa estado ng hindi pag-import ng pangunahing butil.

Naguguluhan tuloy ang tao dahil ang walang habas na pagtaas ng presyo nito ay senyales na hindi totoo ang pahayag ni Alcala kaya’t dapat hindi maging kampante ang lahat  dahil posibleng mauwi sa panic at kaguluhan ang lahat lalo’t sunod-sunod na ang pagputok ng mga usaping kinasasangkutan ng mga tao at opis-yales ng pamahalaan sila man ay taga-oposis-yon o kakampi ng Malakanyang.

***

Ano na ang nangyari sa kaso ni LTO boss Virginia Torres hinggil sa pagkakahuli sa kanyang nagka-casino?

Mukhang isa ito sa napatungan ng Zambo seige, Napoles pork barrel scam at ngayon ay habagat na naman.

Pero mukhang talagang dehins maglalabas ng desisyon si Trasportation Sec. Joseph Emilio Abaya sa naturang usapin sa kabila ng malinaw na paglabag ni Torres sa isang memorandum ng Malakanyang na nagbabawal sa sinomang tauhan at opisyales ng gobyerno na magka-casino.

Obvious na  may kinikilingan ang administrasyong ito dahil kapag wala silang ginawang aksyon sa kaso ni Torres na mukhang malakas sa Palasyo ay masasabi na nating nagiging ba-luktot na ang daang matuwid ni PNoy.

Alvin Feliciano