Dalawang hari nagsanib
KING WARRIOR CHARLY SUAREZ SANIB-PUWERSA SA KING OF THE NORTH

NAGSANIB-PUWERSA sina Hon. Luis Chavit Singson at ang LCS Group kasama si Charly Suarez para sa nalalapit na laban kay Yohan Vasquez ng Dominican Republic na nakatakda sa 23 Agosto 2023.

                Nitong 1 Hulyo 2023, lumagda sina Singson at Suarez sa pakikipagkontrata sa Top Rank Inc., bilang paghahanda sa nalalapit na laban nina Suarez at Vazquez na gaganapin sa Hard Rock Hotel and Casino sa Tulsa, Oklahoma USA.

                Wala pang talo sa kanyang mga laban, si Suarez ay may record na 15 panalo, na may 9 knockouts. Siya ang kasalukuyang IBF Asia super featherweight, IBO Inter-Continental, WBA Oceania, at WBC Asian Boxing Council super featherweight titles.

Bilang amateur, kinatawan ni Suarez ang bansa noong 2016 Summer Olympics.

                Kinikilala ni Charly sina Singson at ang LCS group sa kanilang kolaborasyon sa Top Rank. Binanggit din ng tituladong boksingero ang kanyang pagmamahal at pasasalamat sa kanyang tatay na nagsilbing coach, cornerman, supporter, at dakilang ama sa kabuuan.

Samantala si Vazquez, a.k.a. La Fiera Vasquez ay may mga karanasan ng pakikipaglaban sa Bronx, New York, may record na 25-3-0 (win-loss-draw). Gaya sa iba pang boksingero, umaasa siyang magiging world champion sa hinaharap.