HATAW! D'yaryo ng Bayan hatawtabloid.com
MA at PA
ni Rommel Placente
MULING magtatambal sa pelikula sina John Lloyd Cruz at Sarah Geronimo. Bago matapos ang taong 2023, ay gigiling na ang kamera para sa kanilang reunion movie.
Sa opisina ng Viva Films sa Pasig City, naganap ang pag-uusap ng dalawa tungkol sa muli nilang paggawa ng pelikula.
Sa Instagram account ni Sarah ipinost niya ang litrato nila ni Lloydie na magkasama sa board room ng Viva Films.
Ang reunion movie nina Lloydie at Sarah ang ikalimang proyektong pagsasamahan nila.
Una silang nagtambal sa A Very Special Love noong 2008. Ang box-office gross nito ay P185,235,324.
Sinundan ito ng You Changed My Life In A Moment noong 2009. Kumita ito ng P232,209,42 sa box office.
Pangatlo ang It Takes a Man and a Woman noong 2013. Nagkamal ito ng P387-M sa takilya.
At after six years ay nagsama ulit sila sa pelikula via Finally Found Someone, na ipinalabas sa mga sinehan noong July 26, 2017. Umabot sa P316.5-M ang kinita nito sa takilya.
Lahat ng pelikulang pinagsamahan nina LLoydie at Sarah ay naging blockbuster sa takilya. Siguradong itong reunion movie nila, ay posibleng maging box-office hit din, lalo na’t sabik pa rin ang kanilang mga tagahanga na makita sia na magkasama sa isang pelikula.
