Wanted na rapist sa Bulacan nasakote

NAGWAKAS ang matagal na panahong pagtatago sa batas ng isang lalaki na may kinakaharap na kasong panggagahasa nang maaresto ito sa kanyang pinagtataguan sa Malolos City, Bulacan nitong nakaraang araw.

Ipinahayag ni Police Colonel Relly B. Arnedo, provincial director ng Bulacan PPO, ang pagkaaresto sa pugante na kinilalang si Albert Tizon, isang magsasaka mula sa San Rafael, Bulacan.

Ang akusado ay nakatala bilang Top 1 Most Wanted Person sa Provincial Level ng Bulacan at naaresto sa Brgy. Guinhawa, Malolos City kung saan siya nagtatago.

Si Tizon ay nadakip ng police team na pinangunahan ng Bulacan 1st PMFC sa pakikipagtulungan ng PNP AKG Luzon Field Unit, 301st MC RMFB3, Lalolos CPS at San Rafael MPS.

Siya ay dinakip batay sa warrant of arrest para sa krimeng Qualified Rape na walang inirekomendang piyansa, na inilabas ng Family Court Br.4 ng Malolos City. (MICKA BAUTISTA)