Aiko feeling nasa Cloud 9 sa pagdalo ni VP Sara sa kanyang kaarawan 

SHOWBIZ KONEK
ni Maricris Valdez Nicasio

IDINAOS kamakailan ni 5th District Councilor Aiko Melendez ang kanyang ika-47 kaarawan sa isang restoran sa Quezon City at star studded iyon bukod pa na pawang mga bigating personalidad sa politika ang bumati sa kanya.

Isa na ang ikalawang pangulong si Sara Duterte na sobrang ikinatuwa ng aktres/politiko dahil talagang naglaan iyon ng oras para magtungo sa kanyang birthday party para personal na mabati. Kaya naman napaka-espesyal ng birthday niyang iyon.

Naroon din ang mayor ng Quezon City na si Mayor Joy Belmonte na ayon nga sa sinabi nito, bagamat magkaiba sila ng partido ni Konsi Aiko (tumakbong independent ang aktres) ipinakita nito ang galing at husay sa pamamalakad kaya naman humanga siya rito.

Siyempre bukod sa mga malalapit na kaibigan at kasamahang politiko, nakadagdag-saya rin kay Aiko ang suporta ng kanyang love of her life na si Cong. Jay Khonghun at mga anak na sina Andre at Marthina.

Inamin naman ni Aiko na nasa cloud 9 siya sa pagdalo ni VP Sara. Sa post niya sa Instagram ng kanilang picture ni VP Sarah sinabi niyang, “Madam VP @indaysaraduterte Maraming salamat for coming to my party po. I am still in cloud 9. And thank you for staying long also (green heart emojis) Fangirling moment for me. 

“Finally!!! In one picture together. This is far my best birthday ever (green heart emoji) Vice President of Republic of the Philippines (green heart emojis)”

May post din si Aiko para kay Mayor Joy gayundin kina QC Vice Mayor Gian Sotto, Gov. Chavit Singson, at Sen. Bong Go.

Aniya “Thank you to my QC family especially to our @mayorjoybelmonte for coming and to Vice mayor @giansotto.

“And to my councilor friends for taking the time to celebrate with me (green heart emoji) Gov manong Chavit salamat po.”

“To my manager mader @ogie_diaz sis @sunshinecruz718 and sis @vina_morales thank you! To senator @senatorbonggo for the gift of friendship and salamat po sa lahat ng help mo sa akin po (green heart emoji)”

Inihayag ni Aiko na hindi niya malilimutan ang kanyang 47th birthday dahil sobra ang saya niya.

“Thank you sa inyong lahat sa inyong Presence. (green heart emoji)

“My heart is full. (folded hands emoji) Nice to see old friends in one night that I won’t forget.”