HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
USAP-USAPAN ngayon ang pagbubulgar ni Rhys Miguel na umano’y minolestiya siya ng singer-actor na si Patrick Quiroz.
Sa pamamagitan ng isang video post sa social media inilahad ng dating Pinoy Big Brother housemate kung ano ang ginawa umano sa kanya ni Patrick. Nagkatrabaho sina Patrick at Rhys sa Kapamilya web series na He’s Into Her.
Paglalahad ni Rhys, nangyari ang umano’y panghaharas sa kanya ni Patrick nang magkasama sila sa lock-in taping sa isang proyekto.
Umpisa ni Rhys sa kanya 22-minute video sa Instagram Live,, “Kilala n’yo si Patrick Quiroz?”
May mga sumagot ng “yes” saka nlya inilahad ang nangyari, “Nakita ko siya sa isang taping. Sa una wala akong problema sa kanya, pero binabastos niya mga babae na kasama namin.
“‘Yung babae, may hawak na lollipop, tapos ‘yung sinasabi ni Patrick, ‘wow, buti naman kasya ‘yung malaki sa bibig mo,’” kuwento ng binata.
Gusto raw sanang komprontahin at suntukin ni Rhys si Patrick pero pinigilan niya ang sarili. Wala rin naman daw siya nang mangyari ang insidente at hindi niya personal na nasaksihan ang sumbong ng mga kasamahang babae.
Pero ang hindi niya pinalampas ay ang ginawa ng singer sa kanya.
Ana lng PBB ex-housemate, nagising na lang siya sa kanilang kwarto kasama si Patrick at nakita ang nagkalat na tissue paper na ginamit daw ng huli matapos paligayahin ang sarili.
“Noong natulog ako, ‘yung buong tabi ko, lahat ng tissues na ‘yan… had cum filled with it.
“After that, noong nagising ako, eto na raw, malambot ‘yung hotdog ko. Jinaj*k*l niya ‘yung lambot ng hotdog ko,” kuwento ni Rhys na ang tinutukoy ay ang kanyang private part.
Tumayo at hinabol daw niya si Patrick pero nakapagtago raw ito kaya hindi na niya nausisa nang harapan.
Giit pa ni Rhys, kahit matagal nang nangyari ang insidente ay sariwa pa rin ito sa isip niya. Hanggang ngayon ay hindi pa rin siya okay at talagang may trauma pa siyang nararamdaman.
Sabi rin ni Rhys, ginawa niya ang pag-amin, “to spread awareness and to tell his own story.”
Idinagdag pa ni Rhys na marami pa siyang nalamang sikreto ng mga kasamahan niya pero wala siyang balak ipagkalat dahil hindi naman siya diretsahang involved doon.
Paglilinaw pa niya, hindi siya agad nagsalita tungkol sa nangyari at mas pinili munang manahimik dahil alam niyang ipatitigil ng kanyang magulang ang production at airing ng tinutukoy niyang teleserye.
“If this came out, the series is over. But I kept going, I stayed strong for the series,” sambit niya.
“Sabihin n’yo kahit anong gusto n’yong sabihin. Sinasabi ko lang ’yong totoo. Itanong mo kahit kaninong cast members kung ano ’yong totoong alam nila lahat,” dagdag pa ng binata.
“Actually, mas marami akong p’wedeng i-spread na tsismis sa mga cast member ko. Hindi ko sasabihin kasi hindi ’yan ’yong story ko. Ito ’yong story ko,” anoy.
“I don’t care if I’m trending. Ang gusto ko gawin ’yong awareness… Wow! Lalaki, may hitsura, artista pa… whatever. Ganoon pa rin ’yong ginawa n’ya… Hindi ako okey. Nangyari ito last year. Hindi pa rin ako okey,” giit pa ni Rhys.
Bukas ang Hataw sa panig ni Patrick ukol sa akusasyong ito ni Rhys.
