HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ISA si Ava Mendez sa limang naggagandahan at nagseseksihang babae na naging dyowa ni Wilbert Ross nang sabay-sabay sa pelikulang 5 in 1 na napapanood na ngayon sa Vivamax.
Kasama rin sa movie sina Debbie Garcia, Rose Van Ginkel, Angela Morena, at Jela Cuenca.
Nauna rito, napanood si Ava sa pelikulang The Escort Wife na tinampukan din nina Janelle Tee at Raymond Bagatsing. Gumaganap dito si Ava bilang si Chrissy, isang high class na prosti na kailangang kumapit sa patalim para makapag-ipon ng pera at makapapatuloy ng pag-aaral.
Ayon kay Ava, nag-enjoy siyang katrabaho si Wilbert sa 5 in 1.
Aniya, “Yes po, masaya kasama si Wilbert kahit hindi pa kami nagkakatrabaho.”
Dagdag ni Ava, “Sa 5 in 1, ako po si Maria Osaka, anak po ng mayamang negosyante, bale nag-iisang anak.”
Mas okay ba sa kanya ang sex comedy, kaysa sex-drama movie?
Esplika ng sexy actress, “Lahat naman po okay sa akin, pero gusto ko rin po mabigyan ng role na mapapansin ‘yung arte ko, iyong pure acting po talaga at hindi lang dahil sa nagpapa-sexy ako sa mga pelikula ko.”
Nabanggit din niya ang dream role, “Iyong dream role ko, gusto kong maging action star and maging real deal action star na ako mismo ang gagawa ng stunts ko sa movie.”
Nalaman din namin sa Vivamax star na bukod sa pagiging athletic niya, dati siyang nag-training sa martial arts.
“Yes po, before ako naging artista, fitness influencer po ako. Up to now, pero hindi na ako nagko-compete ng Spartan race dahil sa sunod-sunod na project at nagte-training din ako ng martial arts,” pahayag ni Ava.
