Paghaharap nina Kylie at Ina tinutukan

RATED R
ni Rommel Gonzales

WALANG dudang tinutukan ng Kapuso viewers ang paghaharap nina Joni (Kylie Padilla) at White Lotus (Ina Raymundo) sa Bolera. 
 
Ayon sa National Urban TV Audience Measurement (NUTAM) overnight ratings ng Nielsen Philippines para sa July 8, nakapagtala ng combined people rating na 15.3 percent ang naging paghaharap ng dalawa para sa pag-ere nito sa GMA at GTV. Mas mataas ito sa 2 Good 2 Be True na nakakuha lang ng combined people rating na 6.5 percent sa pag-ere nito sa TV5, A2Z, Kapamilya Channel, Cinemo, at Jeepney TV.
 
Nag-trending din sa social media ang post-episode forum clip ng laban nina Joni at White Lotus. “That was a great episode with White Lotus. Very positive approach to a competitive sport like billiards. Well done GMA,”comment ng isang netizen sa Facebook. 
 
Sino kaya ang susunod na makakalaban ni Joni? ‘Yan ang dapat abangan sa Bolera, Lunes hanggang Biyernes, pagkatapos ng Lolong sa GMA Telebabad.