Friday , April 25 2025
Malacañan

Palasyo dumistanya
Bonggang birthday party ni Imelda Marcos, binatikos ng netizens

DUMISTANSIYA ang Office of the Press Secretary sa napaulat na bonggang birthday party ni dating Unang Ginang Imelda R. Marcos na idinaos sa Malacañang, dalawang araw matapos maluklok bilang ika-17 Pangulo ng Filipinas ang kanyang tanging anak na lalaki, Ferdinand Marcos Jr.

               Ipinagdiwang ni Gng. Marcos ang ika-93 kaarawan noong Sabado, 02 Hulyo 2022.

Kahit kumalat sa social media ang mga larawan at video na kuha sa birthday party ni Gng. Marcos, hindi ito kinompirma o itinanggi ng Palasyo.

“We will only be releasing statements on issues where public interest/welfare is involved,” sabi ni Press Secretary Trixie Cruz-Angeles sa isang kalatas kahapon.

Pamoso ang dating Unang Ginang na mahilig mag-host ng party sa Palasyo para sa mga kaibigan noong rehimeng Marcos, lalo sa kasagsagan ng batas militar.

“Habang ang mga anakpawis ay nagdurusa sa taas ng bilihin, walang humpay na pagtaas ng presyo ng krudo at kawalan ng hanapbuhay, eto ang mga taong sinasamba ng 31 milyong bumoto sa mga magnanakaw at sinungaling!” ayon sa isang netizen.

“When there is a lavish party held in a government building maintained by taxes of Filipino people like Malacañang, THAT IS A PUBLIC CONCERN! Not to mention maraming naghihirap sa taas ng bilihin at pasahe ngayon dahil sa inflation,” komento ng isang netizen.

               “Continued [good] health, blessings, and joy,” ang wish ni Pangulong Marcos para sa kanyang ina na ipinaskil sa kanyang official Facebook page noong Sabado.

Inihayag ni Philippine Ambassador to the United States Jose Manuel Romualdez, second cousin ng Pangulo, na maninirahan ang First Family sa Bahay Pangarap sa Malacañang Park sa Otis, Paco, Maynila.

(ROSE NOVENARIO)

About Rose Novenario

Check Also

DOST Region 02 Secures Licensing for Three Technologies at 2025 North Luzon Tech Transfer Summit

Region 02 Secures Licensing for Three Technologies at 2025 North Luzon Tech Transfer Summit

Baguio City — The Department of Science and Technology (DOST) Region 02 further strengthened its …

Tondo Fire

Sa Maynila
2 mataong residential areas nilamon ng higanteng sunog

TINUPOK ng dalawang malaking sunog ang dalawang residential area sa Tondo at Port Area, sa …

Arrest Posas Handcuff

Sa Marilao, Bulacan
Wanted na rapist timbog

NADAKIP sa pinaigting na manhunt operations ng Bulacan PPO ang isang lalaking nakatala bilang No. …

Anglees Pampanga PNP Police

P.2-M pabuya sa makapagtuturo sa pumatay sa turistang Koreano

NAG-ALOK ang Korean Association Community of Angeles City ng P200,000 pabuya sa sino mang makapagbibigay …

TRABAHO Partylist nanawagan magpatupad ng Safety Adaptation Plan para sa mangagawa

TRABAHO Partylist nanawagan magpatupad ng Safety Adaptation Plan para sa mangagawa

MULING nanawagan ang TRABAHO Partylist sa mga pampubliko at pribadong sektor na bumuo at magpatupad …