Wednesday , July 30 2025
Guillermo Eleazar

Health insurance policy para sa estudyante suportado ni Eleazar

NAGHAYAG ng suporta si senatorial candidate Gen. Guillermo Lorenzo Eleazar para sa panukalang bumuo ng health insurance policy para sa mga estudyante.

Ayon kay Eleazar, malaki ang maitutulong ng panukala upang matiyak ang kalusugan ng mga estudyante lalo ngayong hindi pa tapos ang pandemya.

“Suportado ko ang pagbibigay ng health insurance sa mga estudyante lalo sa panahon ng pandemya o health emergency. Kailangan din ito lalo na’t binabalak na i-expand pa ang face-to-face classes kaya’t mas maraming estudyante ang papasok sa mga paaralan. Nangangahulugang kailangan ng dagdag proteksiyon sa kalusugan ng ating mga mag-aaral lalo na ‘yung hindi pa sakop ng insurance ng kanilang mga magulang,” aniya.

Una rito, sinabi ni Commission on Higher Education chairperson Prospero De Vera na nakipagpulong ang kanyang tanggapan sa Inter-Agency Task Force on Emerging Infectious Disease at mga opisyal ng iba-ibang unibersidad para talakayin ang health insurance policy.

“Ilalaban ko sa Senado ang pagkakaroon ng malaking pondo para mabigyan ng health insurance ang mga estudyante. Alam nating hindi magma-materialize ang programang ito kung hindi sapat ang pondong ilalaan para rito,” sabi ni Eleazar.

Maaari aniyang tustusan ang insurance policy sa pamamagitan ng karagdagang pondo para sa Department of Health at Department of Education.

Dapat aniyang alamin ng Department of Budget and Management kung saan maaaring hugitin ang naturang pondo.

“Naniniwala akong dapat maging prayoridad ang health insurance policy lalo para sa mga estudyante lalo na’t hindi pa tayo ligtas sa banta ng coronavirus. Alam din nating hindi ito ang huling pandemya na kakaharapin ng ating bansa,” ani Eleazar.

Kabilang sa mga pangunahing isinusulong ni Eleazar sa kanyang kandidatura ang pagtiyak at pagprotekta sa kalusugan ng bawat Filipino.

Balak niya ring bigyan ng health insurance ang barangay workers, mass transport drivers at riders, at mga security guard. (ALMAR DANGUILAN)

Krystall Herbal Products and FGO Branches

About Almar Danguilan

Check Also

Raymond Adrian Salceda Bongbong Marcos

Rep. Salceda pinapugayan si PBBM sa pagtutok sa ‘Food Security’ at ‘Coco Levy’ sa SONA 2025

PINAPUGAYAN ni Albay 3rd District Rep. Raymond Adrian Salceda si Pangulong Bongbong Marcos sa pagtutok niya …

DigiPlus BingoPlus Foundation DSWD

DigiPlus, BingoPlus Foundation deepen commitment to crisis relief, supports DSWD’s new satellite center

DigiPlus Interactive Corp., through its social development arm BingoPlus Foundation, has once again extended support …

Chel Diokno BBM Bongbong Marcos

Review ng flood control hindi sapat ‘corruption control’ kailangan – solon

ni GERRY BALDO HABANG pinapalakpakan ng mga kongresista ang banta ni Pangulong Ferdinand Marcos, Jr., …

Martin Romualdez Salvador Pleyto

House Speaker Martin Romualdez nanumpa kay Bulacan Rep. Salvador Pleyto

LIHIS sa tradisyon ng Kamara de Representantes na pinanunumpa ang bagong halal na House Speaker …

San Miguel Bulacan Police PNP

Astig na senior citizen nanindak sa barangay, tiklo sa boga at bala

INARESTO ng mga awtoridad ang isang senior citizen matapos ireklamo ng pananakot at pagpapaputok ng …