Trillanes parte na ng ‘Gwapinks’

CERTIFIED “Gwapink” na si senatorial bet Antonio “Sonny” Trillanes matapos tanggapin ang karangalang maging miyembro ng “Mga Gwapo for Leni.”

Kahit sa tingin niya’y hindi siya karapat-dapat maging miyembro ng grupong sumusuporta sa kandidatura ni Vice President Leni Robredo bilang pangulo, sinabi ni Trillanes sa Twitter na tinatanggap niya ang karangalan dahil ito’y aprobado ng aktor na si Edu Manzano.

“I feel that I am not worthy of this honor from @MgaGwapoForLeni, but since the ageless Chairman @realedumanzano has already spoken… I humbly accept,” tweet ni Trillanes.

Kasabay nito, nanawagan ang dating senador sa mga miyembro ng grupo na gamitin ang kanilang ‘kapogian’ para makakuha ng mas maraming botante para kay Robredo at tandem na si Senador Francis “Kiko” Pangilinan.

“In the meantime, I’m calling on all Gwapos for Leni to use your charms to win over as many voters for #TeamLeniKiko,” ani Trillanes.

Kamakailan, inilagay ng “Gwapo for Leni” si Manzano bilang probationary chairman. Kabilang sa mga miyembro ng grupo ang aktor na si Robi Domingo at Quezon City Rep. Kit Belmonte.