HATAW! D'yaryo ng Bayan hatawtabloid.com
ni MARICRIS VALDEZ
HINDI na magpapaligoy-ligoy pa si Bea Alonzo at ibibigay agad niya ang matamis niyang ‘Yes’ sakaling sorpresahin siya ng boyfriend niyang si Dominic Roque ng wedding proposal.
Natatawa man pero kita ang kilig, sinagot niya ng, “Oh my God, oo nga. Ah siyempre naman, I mean, hindi naman ako nandito sa relasyon para lang maglaro, ‘di ba? Alam naman natin na siyempre, at my age, I want that also,” sambit ng blooming at ambassador ng Beautederm para sa REIKO Slimaxine at REIKO Fitox na pawang mga all-natural supplements.
“Pero sa bagay na ‘yan, siyempre I can’t speak for him, and alam naman niya na marami rin akong gagawin, alam naman niya kung ano ‘yung priorities ko sa ngayon.
“Pero kung sakaling magpo-propose siya, siyempre, o-oo ako,” nangingiting sabi ni Bea. “Pero siyempre, I’ll cross the bridge when I get there,” aniya.
Si Bea nga ang endorser ng isa sa mga bagong produkto ng Beautederm, ang REIKO Slimaxine at REIKO Fitox.
Hindi itinago ni Bea ang excitement at kasiyahang maging endorser ng Beautederm. Actually, hindi ito ang kauna-unahang pagkakataong kinuha si Bea ng presidente at CEO ng Beautederm na si Ms Rhea Anicoche-Tan. Si Bea ang endorser ng Entre Clair mouth wash. At sa muling pagpirma ng kontrata sa Beautederm, ang REIKO Slimaxine at REIKO Fitox naman ang kanyang ieendoso.
Pag-amin ni Bea, sobrang happy siya na maging part muli ng Beautederm family at gustong-gusto pa niya ang produktong kanyang ineendoso bilang napaka-health conscious din niya.
Inamin pa niyang espesyal sa kanya ang Beautederm dahil ito ang unang-unang endorsement niya sa panahon ng pandemya at sobrang thankful siya kay Ms. Rhea dahil nagtiwala ito sa kanya at kinuha siya para maging ambassador ng bagong produkto ng kompanya nito.
Sinabi naman ni Ms Rhea na si Bea ang best ambassador para sa mga nasabing produkto.
“Inspirasyon si Bea dahil she always see to it that she takes care of herself kahit na very hectic ang schedule niya,” ani Rhea.
“Focused at humble si Bea at alam niya ang kanyang mga prioridad. Masaya ako dahil sinisiguro ni Bea na nananatili siyang malusog dahil for the past two years, natutunan natin ang value ng good health. I proudly welcome her as the official brand ambassador ng REIKO Slimaxine at REIKO Fitox ng Beautéderm,” giit pa ni Ms Tan.
