Mike Defensor Precious H Museum of the stars

Museum of the stars itatayo ni Defensor (‘pag nanalong mayor ng QC)

Maricris Valdez Nicasio March 7, 2022 Elections, Showbiz

SHOWBIZ KONEK
ni Maricris Valdez Nicasio

MAGANDA kung matutuloy at mananalong mayor ng Quezon City si Partylist Representative for Anakalusugan Mike Defensor na maraming plano para sa entertainment industry.

Ipinahayag ni Defensor nang makatsikahan namin ito sa Music Box sa Timog, QC na kasama sa plataporma niya ang pagpapalawak at pagpapalakas ng arts and entertainment sa QC lalo pa’t tinaguriang showbiz capital of the Philippines.

“We really have to establish Quezon City as an eco-tourism center. And definitely, ‘yung sa showbiz set-up, we have to develop that. We are the Holywood of the Philippines at kailangan tayong mag-take-advantage riyan.

“Magtayo tayo ng museum, magtayo tayo ng areas, let’s say, mismong sa stations like in GMA-7, ABS-CBN, even in the defunct Channel 5 sa Novaliches, na mayroong areas na pupuntahan ang mga tao for tourism” anito.

Plano niyang magtayo ng Museum of the Stars sa Quezon City at ibalik ang QC Film Festival.

“Basta ito ang pangako ko sa inyo, we will have the best film festival in the country. I can promise you that,” sambit pa ng Kongresista.

Plano rin ni Defensor na magtayo ng film school for film workers para lalo pang mapalakas ang entertainment industry.

Iginiit pa ni Defensor na bibigyan niya ng trabaho ang mga empleado ng ABS-CBN na nawalan ng trabaho.

Ani Cong Mike kung mabibigyan ng bagong franchise ang bagong nagma-may-ari ng frequency ng ABS-CBN ay muling maha-hire ang mga dating empleado ng network.

“Kung bagong kompanya, ‘yung issue dati, hiwalay ho ‘yun, eh, ‘di ba? So, itong bagong kompanya, we all know that it’s the Villar family who took over, and they will apply for a franchise, definitely, we will help.

“And we hope that it will still be in Quezon City. We hope that the existing facilities will be utilized by this new company, whatever company it will be. Na rito pa rin magamit ‘yung lugar at pasilidad ng ABS-CBN.

“So, it means, ‘yung previous employees ng ABS-CBN will definitely have their jobs back,” paliwanag pa nito.